Second Bite Bar & Grill (已結業)

食咗好一段时间，终于有时间写返篇食评推介俾大家。Lunch set餐平靓正，一般价钱$100以下已经享有头盘加饮品，份量仲要好大碟。而且选择又多，真系食足几星期都唔洗重覆。黑松露帆立贝炖饭 （$88）黑松露味道好香浓，意大利饭煮得恰到适中，有口感。 再加埋煎香咗嘅帆立贝点缀。完美。跟餐餐汤。好饮👍🏻。追加小食- 咸蛋黄金薯条 （＋$28）薯条真系炸到金黄色，咸蛋黄味浓，香口又热气，同朋友仔share就最岩。招牌肉饼饭（$68）一间咁西式餐厅，竟然有肉饼饭，仲要系招牌！当然要试。半生熟煎蛋系我最爱，蛋边㶶㶶地，够香口。肉饼够软熟，难怪咁多好评。