FULL/half (已結業)

我其实好少重复去同一间餐厅，但呢间我计埋今次去左4次了，原因系佢地d食物就算唔系最好，但一定唔会差啰！去既时间人系下午茶时间，加上佢唔系商场舖头林立个几层，所以好多空位！我地坐了窗口位，我同朋友好钟意呢度既环境，好休闲舒适！我朋友拣左抺茶窝夫配红豆雪糕！窝夫切开系好深绿既抺茶色，味道当然亦是浓浓的抺茶香，配上无论是红豆雪糕或是红豆蓉皆一流，两者甜度很适中，可惜的是两者份量同窝夫不成对比，要干吃一件窝夫！我选的是墨西哥牛肉饼配牛油果蓉及微辣既蕃茄酱！好好味，皮薄多肉，牛肉唔干，好juicy,配任何一款酱，入口都好开胃！份量刚好适合，不过厨师有少许不称职，将其中一面牛肉饼烤得过度，导致另一面是黑黑的！但总体都是不错啊！咖啡同柠茶都是普通货色，所以不提了！