稻庭養助

营业中

休息中

打电话订枱时，原本想订7pm, 侍应话唔得，要早啲6:45pm, 同埋强调一定要1.5hr 后交枱，我话ok. 点知去到，大门深锁咁，以为未开，打开门入去睇，先知原来唔系，间铺超细，同埋系全院满座，终于有个侍应走出嚟叫我，话仲未交得枱住，俾住一半枱我先o m ok, 咁我一家大细十个人已企到门口，唔通话唔ok 咩，咁唯有老人家细佬入去先，最后都系等到7pm 先有位。叫咗好多嘢食，乌冬，牛舌，豆腐，鳗鱼，牛粒，刺身，饭团，但总括嚟讲，食物我觉得无惊喜，除咗乌冬的而且确系好幼身好滑，几好食，但我地8大人3小孩食咗2千三百几，以呢个价钱，我觉得食千両好似性价比高啲，同埋间铺好细好焗促，食咗一个钟食完就顶唔顺就走了。呢间食过一次就够，唔使再去。