八沢 (已結業)

实不相瞒，八沢我同男友已经食过最小5次，因为真系好好食。自问我同佢都系乌冬控，系呢到可以以平民价钱食靓乌冬。我地最钟意黎上环本店，虽然店面唔算大，但胜在可以坐耐啲，最啱同friend吹下水。「黑松露忌廉海鲜乌冬」呢个乌冬，食咗一次之后翻唔到转头，每次都要encore，就见到乌冬被浓浓既忌廉汤淹没左。将松露浸落个汤到，啲香气即刻出晒黎。海鲜劲足料，2大粒原只带子加大量厚切三文鱼。乌冬系扁同幼身，食落清嘟嘟又弹牙。个忌廉汤浓得黎唔会太杰挞挞，唔洗怕会食到好腻。「吉列蚝」虽然得3只蚝，但每只都大小适中，食落香酥 ， 蚝既鲜味出晒黎，而且肉质嫩滑。「鸡软骨」鸡软骨份量点兼小，食落一般，未有过人之处。野饮都系正正常常