八沢 (霎東街) (已結業)

黑安格斯肉眼牛扒挂乌冬。牛扒烹调得啱啱好，中间粉红，入口嫩滑，牛味浓，而且多汁，非常美味。而乌冬汁都好出色，啖啖蒜味，咁啱本人都系蒜控，所以呢𠮶汁好对胃口。乌冬入口烟靭，有咬口，唔会太腍，可以话都几出色。广岛蚝肉碎乌冬。广岛蚝大大粒，胀卜卜，未食望都觉得相当吸引。味道无得输，相当够蚝味，而且蚝吸咗汤汁，入口更美味。仲要一碗有五大粒蚝，抵食呀！小食就点咗龙虾沙律，味道唔错，有少少Wasabi味道，但唔会太呛喉，调味得好适中，而且仲有龙虾肉喺入面，作为前菜小食啱啱好！天气冻冻地，仲嗌咗杯热棉花糖抺茶。呢杯饮品不过不色，正常水准。