影片
更多
2018-01-03
35 浏览
收工后同老公睇下灯饰，
之后坐船过红磡，游下维港，顺道去开咗无耐嘅「九号水产」八卦下，原来入面系好似food court mix 海鲜档咁。呢间店门口摆咗个蛋糕柜，
里面嘅抹茶卷劲吸引，我就拉咗老公入去。
有个职员姨姨走嚟招呼我地，
但又唔系讲「21314」，听真D原来真系同我地讲日文，
咁我地当然唔识回应，净系识笑同点头，
之后姨姨再用「非日式英语」介绍食物，
虽然我地都只系明白七八成，但系姨姨嘅态度真系令人觉得好舒服，
佢唔会净系介绍最贵嘅嘢，而真系会同你倾下计，
了解下你嘅口味之后比空间你慢慢谂，呢种心态上嘅舒服已经令我觉得D嘢都好食D。
老公喺白鳗鱼餐同埋「迷你三宝鳗鱼饭、吞拿鱼饭同乌冬」之间挣扎，
最后都系拣咗白鳗鱼，佢话因为真系见识少未试过。老公话白鳗鱼嘅口感，系白鳝沟鳗鱼，
外边似鳗鱼咁淋，中间就似白鳝咁爽口，至于味道，就咁食或者点少少海盐已经好味，而点返平时嘅鳗鱼酱，就好似食返平时D鳗鱼饭咁。呢个set有沙律，有饭，有乌冬，有红茶，仲有甜品，真系好丰富! 我就叫咗个牛肉乌冬，因为乌冬系侍应姐姐介绍嘅，
话绝大部份客人食过都赞，同埋食咗对皮肤好D。
唔理佢有无功效，最紧要
呢间店门口摆咗个蛋糕柜， 里面嘅抹茶卷劲吸引，我就拉咗老公入去。
有个职员姨姨走嚟招呼我地， 但又唔系讲「21314」，听真D原来真系同我地讲日文， 咁我地当然唔识回应，净系识笑同点头， 之后姨姨再用「非日式英语」介绍食物， 虽然我地都只系明白七八成，但系姨姨嘅态度真系令人觉得好舒服， 佢唔会净系介绍最贵嘅嘢，而真系会同你倾下计， 了解下你嘅口味之后比空间你慢慢谂，呢种心态上嘅舒服已经令我觉得D嘢都好食D。
老公喺白鳗鱼餐同埋「迷你三宝鳗鱼饭、吞拿鱼饭同乌冬」之间挣扎， 最后都系拣咗白鳗鱼，佢话因为真系见识少未试过。
老公话白鳗鱼嘅口感，系白鳝沟鳗鱼， 外边似鳗鱼咁淋，中间就似白鳝咁爽口，至于味道，就咁食或者点少少海盐已经好味，而点返平时嘅鳗鱼酱，就好似食返平时D鳗鱼饭咁。
呢个set有沙律，有饭，有乌冬，有红茶，仲有甜品，真系好丰富!
我就叫咗个牛肉乌冬，因为乌冬系侍应姐姐介绍嘅， 话绝大部份客人食过都赞，同埋食咗对皮肤好D。 唔理佢有无功效，最紧要咩都试下。 乌冬真系好弹牙，真系食落有种海澡味，唔济口，感觉有啲似食蒟蒻咁，几健康，配埋味噌汤好易入口， 牛肉亦食得出好新鲜。
话晒庆祝圣诞，当然要试埋小食同叫多个甜品，小食系我钟意嘅鸡软骨豚肉炸饺子，第一啖咬落去，我已经谂：惨，乜淋嘅？点知食真D，原来佢系中间淋，两边系好脆嘅。
因为平时食炸饺，一系就放咗好耐淋咗，一系就炸太多脆过龙，所以食完淋又有返脆口感觉，即刻开心返。
甜品有跟餐嘅抹茶卷，我好钟意食，因为佢唔会苦涩， 而系淡淡抹茶香味加少少甜度， 不过我老公就钟意苦味抹茶多D，真系各有所好，所以比我食咗八成。
另外仲叫咗个日本草莓班戟，职员姐姐仲绍话草莓酱系用真草莓打出嚟， 唔系普通糖浆，同埋班戟系厚实嘅。
最后出嚟，姐姐无呃我地，草莓酱食得出好新鲜，最重要系班戟真系好厚实，老公最憎食好似梳乎里𠮶D口感，似食空气，但今次嘅班戟真系好饱满，微温的班戟夹住冻冰冰雪糕，再配上微酸的草莓酱，真系好正呀！怕雪糕太冻，班戟仲可以夹布甸，好滑呢。味道好味之余，个甜品卖相摆得好靓，啱晒用黎打卡呃like。
其实个Waffle我都好想试... 早知就叫少个小食，留肚全力进攻甜品。下次一定要试!
环境:
应该系新店，装修新正光猛，设计简洁，似西餐厅多过日式饭店。店内都几多枱，方方正正，4人枱为主，多人都可以拍埋一齐坐。
服务:
整体服务系殷勤亲切既，特别系日本职员姨姨，待客热情细心但又唔催迫，不时加水，自动提供小碗及筷，唔驶等我望住老公食自己无得食。其他职员都很友善，上菜下单收碟都保持征笑，似日本人的待客之道 - 认真、谦恭，很赞!
张贴
