屋子生活 (已結業)

夜晚约埋朋友去楼下食饭 朋友专登过嚟食 所以一定要拣埋好味既一齐食 畅谈▪️日式咖哩鸡唐扬定食拣左米饭去配呢个咖哩唐扬鸡 唐扬鸡炸到外脆内软 唔会太干 咬落去仲有鸡汁 再配埋个微辣 咖哩 令到个味道更出色 ▫️鳕鱼西京烧定食 +明太子拌饭银鳕鱼西京烧肉质细致 油脂丰厚既银鳕鱼 用日式调料调味腌渍 食落口感鲜甜 配埋个明太子拌饭 成个味道真系一流 ▪️萝卜明太子沙拉 白萝卜清甜既味道配上明太子 滋味意外的融合 味道清新可口 ▫️木鱼花玉子烧 呢碟玉子烧卖相好靓 玉子呈淡黄色 酱汁 配料亦上得均匀 蛋身滑溜 食落口感好绵密 配埋个木鱼花令到个口感别有一番风味▪️草莓拿铁咖啡呢杯Latte 咖啡味唔算太重 草莓味道浓郁 加埋牛奶已经满满香气 唔会太甜 味道刚刚好▫️焙茶奶盖茶焙茶控一定要试呢杯奶盖 呢杯奶盖茶系厚到不得了 仲要配埋调到好香焙茶味 成个口感唔会太腻 甜度都拿捏得非常好 真推介▪️铁观音千层酥呢个千层酥味浓醇厚香气十足 铁观音比例的调配将成个千层酥味道提升 即使作为甜品都甜而不腻