樂園魚旦專家 (迎海薈)

营业中

休息中

乌溪沙嘅餐厅唔多，最近开左间新餐厅，终是决定去试下。虽然系新开，但午市已经多食客，但餐厅都大，好多位，所以都唔需要坐得迫。环境唔错，餐厅可望到屋苑嘅绿化地带，感觉舒适。餐牌可见大量选择，亦可自由加配小食&饮品，粉面类有鱼蛋、肉丸、猪手、饺子等等，煲仔面就以牛类为主。拣左崩沙牛腩煲仔面&乐园四宝丸幼面，饮品就照旧冻柠茶少甜。饮品正常水准，四宝丸包括鱼蛋、鱼糕、肉丸，鱼皮饺，鱼蛋鱼糕弹牙，有口感，幼面够爽，有嚼劲，汤底清甜，亦可加辣酱调味。崩沙牛腩煲仔面上台时够热，d汁仲滚紧，配上葱花系面，卖相吸引。锅嘅温度控制得好，食到最好一啖都仲热，面底系爽公仔面，唔会太软。牛腩嘅肉质鲜嫩多汁，有浓郁嘅肉香，调味恰到好处，唔会太咸亦唔会太淡。