屋子生活 (已結業)

我地马鞍山山友出动揾好野食💕当然要约埋fd子@noah著住浴衣食日本野👘我地去咗乌溪沙嘅🏠屋子生活cafe💕 ᴜᴄʜɪ屋子日式嘅装修风格，Cafe好高楼底，好有空间感，枱凳以用木为主🪵入面仲有榻榻米，同落地玻璃，强烈建议有阳光时黎打卡！简约日系风格，悠闲舒适，一定可以令你放松忘忧💕⭐️ 和风蛋汉堡x三文鱼茶渍饭手打汉堡厚身肉嫩，切开肉汁爆出好juicy，配上流心太阳蛋加埋甜甜嘅酱汁，好yummy🥰加钱可以转三文鱼茶渍饭，清新嘅茶渍饭意外地同汉堡好搭😋⭐️ 关西牛肉定食x明太子拌饭半肥瘦牛肉量好多😋牛下面仲有粉丝，个汁偏甜，配搭鲜味明太子拌饭，真系好好味👍⭐️木鱼花玉子烧卖相都好靓，甜味夹杂木鱼香，食落软绵绵，波儿就好钟意啦💕⭐️萝卜明太子沙律少少辣味嘅明太子配搭鲜甜嘅萝卜，原来系咁搭嫁！味道好清新可口！⭐️ 抹茶白玉双层华夫唔好讲笑，呢个甜品一定要食，造型有啲似两个冬甩叠起，一上枱就谋杀菲林，面头再有一层浓郁甘醇嘅抹茶忌廉，上面洒上抹茶粉，外面脆卜卜内里松软嘅窝夫充满阵阵抹茶香味，加埋QQ烟靭嘅白玉🥰冇得弹！⭐️ 草莓奶盖茶饮落去好香草莓味，而奶盖咸咸甜甜，好顺滑🍓