春芳號 (始創中心)

营业中

休息中

平时好少行入始创，都唔知原来呢度有间春芳号！因为之前朋友买过几杯外卖一齐饮，觉得几好饮，啲杯又好靓好有特色！今日亲自经过，又见12月都仲有25度，点都要整返杯解下渴😆上次饮咗奶绿，今次拣咗乌龙珍珠奶茶嚟试！落单时店员有细心咁问珍珠要唔要转爱玉/寒天，话佢哋今个星期开始有得转呢啲配料～ 我都系拣返original — 觉得珍珠配奶茶先系最夹😆 饮品一拎到手就觉得个杯好靓好有圣诞气氛！乌龙珍珠奶茶好饮！叫咗半糖，甜度适中，乌龙茶味好出，奶茶好顺口～ 珍珠饮落口滑得嚟 咬落又几烟韧！下午茶整返杯春芳号真系好满足！