甘味讚岐手打烏冬 (已結業)

一早去到唔洗等位，其实试过其他分店，一般货色，唔会有太大期望，今次亦一样，不过系冇期望都失望。叫咗煎饺子，劲难食，饺子皮破过纸皮，又唔脆又唔热，不知所谓。我叫咗吉列猪扒配蕃茄乌冬，吉列猪扒系脆，刚炸完，不过油到冇朋友，而且炸过龙，完全冇肉味，又食纸皮，仲要油浸纸皮，真吓人。蕃茄乌冬叫做介似d样，超级味精汤底，何必呢？好地地d乌冬做乜搞成咁！老公食吉列芝士猪扒配麦面，吉列芝士猪扒同我一样咁差，仲加阵油油嘅所谓芝士汁，救命！以后唔会再光顾！