影片
更多
2017-08-15
2741 浏览
亚士厘道食肆林立，真系好多野食。而亚士厘道17-19号呢座大厦，就有几间食肆，楼上餐厅好多都系做熟客生意。「肚饿了串烧烤焗专门店」今次系我第二次帮衬，野食好食左，价钱又好似多左。全店采用高脚椅，墙上挂上好多酒樽，突显现代简约时尚感。呢度适合三五知己，高举酒杯(或酒樽)，嘻嘻哈哈畅谈一晚。就算唔饮酒，嚟食野，都系个唔错选择。今晚叫左几罐非酒精饮品同好多野食︰蒜蓉牛油烤焗什菌＄39，一大个钖纸包，入面好多蒜蓉，牛油味几出! 金菇牛肉卷＄39，金菇够嫩够腍，冇渣~自家制酱烧黑豚肉串＄49，一口豚肉，几弹牙，用左孜然调味，孜然加豚肉，味道几搭几特别。脆烧日本鳗鱼一条＄49，原条鳗鱼，面层烧得微焦微脆，全条都冇细骨，好食。吉列虾四只＄29，几抵食，即炸够晒脆，因为有层吉列皮，摆左阵先食都仲热辣辣。自家制金黄酱烧15cm虎虾两只＄49x2，金黄酱酸酸甜甜几开胃，唔会太腻。虾好大只，应该真系有15cm，虾肉雪白够爽弹。连壳连头烧，香味更加出。生虾配特色泰酱八只＄69，价钱合理，但最好加上冰块冰镇住，保持低温，咁会好食啲。同埋冇摆碟，有啲失色!自家制金黄酱烤鸭胸酥皮卷两件$59，几抵食，两大件，但点解
今晚叫左几罐非酒精饮品同好多野食︰
蒜蓉牛油烤焗什菌＄39，一大个钖纸包，入面好多蒜蓉，牛油味几出!
金菇牛肉卷＄39，金菇够嫩够腍，冇渣~
自家制酱烧黑豚肉串＄49，一口豚肉，几弹牙，用左孜然调味，孜然加豚肉，味道几搭几特别。
脆烧日本鳗鱼一条＄49，原条鳗鱼，面层烧得微焦微脆，全条都冇细骨，好食。
吉列虾四只＄29，几抵食，即炸够晒脆，因为有层吉列皮，摆左阵先食都仲热辣辣。
自家制金黄酱烧15cm虎虾两只＄49x2，金黄酱酸酸甜甜几开胃，唔会太腻。虾好大只，应该真系有15cm，虾肉雪白够爽弹。连壳连头烧，香味更加出。
生虾配特色泰酱八只＄69，价钱合理，但最好加上冰块冰镇住，保持低温，咁会好食啲。同埋冇摆碟，有啲失色!
自家制金黄酱烤鸭胸酥皮卷两件$59，几抵食，两大件，但点解一大一细嘅? 酥皮松化，有好多层，好香牛油味，入面件鸭胸都肥瘦适中，因为加左自家制金黄酱，食起嚟好多汁，唔会干争争。
(左)芝士烧扇贝两只＄49 / (右)黑松露香菇酱烧日本广岛蚝两只＄69
芝士烧扇贝两只＄49，面头好多芝士，正!
扇贝几大只，好厚肉。
黑松露香菇酱烧日本广岛蚝两只＄69，上次食过超好食。今次食依然黑松露好香，菇蓉亦好多，但系有酸味，味道好奇怪。
蚝肉好饱满，而且好juicy!
原只芝士烧春鸡一只＄149，呢个好大只，亦都好好食。
肚入面仲有好多芝士，可以拉丝。但如果两个人食就太多，最好系一班朋友分嚟食，咁就perfect。
怕热气唔饮鬼佬凉茶(啤酒)，可以饮国产凉茶-华元堂，呢度都有︰
嘢食选择有四页拣︰
饮品就有一页，另外仲有一大本酒类drink list︰
繁忙时段用餐时间只得1小时30分钟，如果一大班朋友谈天说地就有啲急。如果晏少少过嚟就冇咁多人，可以慢慢坐。
呢度烤、焗、炸、烧同刺身都可以一次过试晒，几滋味，仲可以按个人口味加上调味料，够晒特色~~
题外话/补充资料：
题外话︰唔知点解呢度比起同一座其他食肆，地方好似细好多咁，系咪因为厨房好大同加多左厕所喺店内呢?!
(以上食记乃用户个人意见 , 并不代表OpenRice之观点。)
张贴
