橫浜水產磯燒+遛Local Bar@Grill & Hot Pot (已結業)

Yohoooooo，听说呢间餐厅又可以烤肉，又可以打边炉，更加可以食刺身，再加上烧海鲜，直情系乜都有得你食，唔使惊要烦呢个朋友食乜𠮶个朋友食乜，你呢间就一定得，佢Menu上面有几个set可以俾你拣，因为我哋人少少，所以就拣最普通嘅set，就有刺身食啦，有烤肉食啦，亦都有得打边炉，店员首先会问我地要order啲乜嘢肉俾我哋去烧同埋刺身会到左先，俾你开咗个胃先啦嘛，而佢哋啲烧肉系可以任食，系会无限帮你添加，只要你需要的话，同店员讲一声，佢就会refill俾你，刺身入口好新鲜，二人份量亦都唔会话唔够，而烤肉方面虽然系有得俾你任食，但每一次嘅肉嘅份量略嫌比较少同埋比较薄，食玉秀嘅朋友就一定要狂refill了，最后嘅打边炉，会有八个汤底俾你选择，款式都好多，而我哋选择咗昆布汤同埋360牛乳海鲜汤，昆布汤都系一般普通嘅昆布味道，牛乳海鲜汤就比较出色，好重牛乳味亦都好鲜甜，所以我哋放弃咗昆布汤只系食牛乳海鲜汤，哈哈，到最后食完之后店员就送咗个咖啡布甸俾我哋，好重咖啡味好香好滑。