影片
更多
2017-09-01
4923 浏览
过江龙韩烧店「 喜来稀肉」2013年尾落户香港，不经不觉，在港几年都累积开咗7家舖，虽知道，晌香港做饮食都唔喺一件易事，打好根基再慢慢扩张喺好重要，以往都见唔少食肆一喺就食住条水急速扩张，一喺就扩张过渡，最后结业收场。对上一次到访喺尖沙咀嘅「老店」，已喺2014年初嘅事，事隔3年半，唔知质素如何？地下铺面只喺餐厅入口，真正用餐区位于地库，踏入餐厅就喺排排坐嘅等候区，就算订咗位都要人齐先安排枱。而等位区有个告示牌，写明入座限时90分钟，到第75分钟时就唔可以加蛋、加前菜，个半钟食一餐韩烧真喺好掹水，所以，最好喺谂定嗌乜，一坐低就点菜唔好嘥时间。之不过，今晚唔算人多，所以，90分钟嘅要求都无严格执行。环顾餐厅，其实环境几大，又鎅开好多个分区，一室水泥地配红砖墙，中央仲植咗樖树，围咗啲木櫈，睇起嚟好似啲韩国嘅小社区晌街坊公园围起嚟食韩烧。抽风系统用上抽式，烧嘅期间唔算大烟，食完亦唔觉一身烟味，不过，因为今晚都未算好爆场，未算真正考验。现场环境比较幽暗，所以，影起相嚟比较难，尝试影一影餐牌，效果麻麻，即管贴出嚟俾大家参考。当中有纯猪、纯牛嘅套餐，如果喜欢集中某啲部位，就散点最好。最有趣喺猪肉类
地下铺面只喺餐厅入口，真正用餐区位于地库，踏入餐厅就喺排排坐嘅等候区，就算订咗位都要人齐先安排枱。
而等位区有个告示牌，写明入座限时90分钟，到第75分钟时就唔可以加蛋、加前菜，个半钟食一餐韩烧真喺好掹水，所以，最好喺谂定嗌乜，一坐低就点菜唔好嘥时间。之不过，今晚唔算人多，所以，90分钟嘅要求都无严格执行。
环顾餐厅，其实环境几大，又鎅开好多个分区，一室水泥地配红砖墙，中央仲植咗樖树，围咗啲木櫈，睇起嚟好似啲韩国嘅小社区晌街坊公园围起嚟食韩烧。抽风系统用上抽式，烧嘅期间唔算大烟，食完亦唔觉一身烟味，不过，因为今晚都未算好爆场，未算真正考验。
现场环境比较幽暗，所以，影起相嚟比较难，尝试影一影餐牌，效果麻麻，即管贴出嚟俾大家参考。当中有纯猪、纯牛嘅套餐，如果喜欢集中某啲部位，就散点最好。最有趣喺猪肉类、牛肉类有埋个「解剖」公仔，等你知吓个部位晌边度。
此外，仲有鸡肉、海鲜、蔬菜嘅散点作为烧烤食材，而非烧烤类嘅就有汤类、主食、面类、一品菜、酒类及其他饮品。除中英韩文对照之外，大部份食物都图文并茂，方便参考。
牛肉萝卜汤食韩国菜嘅特色之一就喺啲前菜，未坐定就嚟三小碟，以及「一碗」牛肉萝卜汤。无错，喺得一碗，韩国人好兴一人一羹分享，港人就未必钟意，之不过，个汤饮落几清甜。
前菜前菜有生洋葱丝、韩式泡菜及豆办酱大豆芽生菜丝，虽则话前菜，不过用嚟夹肉再包生菜食都唔错，作烤肉间嘅间场又得，而个别就咁食小弟就较喜欢豆办酱大豆芽生菜丝，清爽得嚟有点惹味。食烤肉，除可配搭啲前菜外，3款佐料亦可以随个人口味好好利用，韩式甜辣酱、豆办酱、榄油海盐3款佐料中，最好用都味韩式甜辣酱，可提升肉香，话喺辣酱，其实唔喺点辣。
生菜篮有睇韩剧或去过韩国就知啲生菜点用，唔使我多介绍，唯一想讲喺啲生菜免费添加，食完一篮，我哋都无出声，店员就自动送上一篮新嘅，非常贴心、醒目。
炉边蛋晌特制嘅烤板上，三分天下，外围嘅凹槽一条用嚟烤蒜粒，一条烤芝士蛋浆，一条烤泡菜蛋浆。个人较钟意烧到中段食，底层微微焦脆而面层仲保留少少软心。烤到尾先食，我就觉得啲蛋变得老身。
壹头牛 $488左度右度，套餐都喺最划算，两款两人拼盘套餐：壹头猪、壹头牛，两款拼盘都包咗5款肉，以及两客饮品。最后，决定拣上壹头牛拼盘套餐，烤肉包括喜来稀肉、牛五花、特级牛颈、牛肋骨肉、烤调味牛排骨5款，等阵就逐样逐样同大家分享。
桃子汁（餐饮）睇餐牌时，原以为喺韩国罐装汽水，送到嚟实际喺散装，无论乜装都好，好饮就得喇。友人话杯桃子汁几好㖞，虽然唔喺鲜榨𠮶种清香，但饮落都清甜唔作假。
蓝色柠檬汽水（餐饮）+$5咪俾佢蓝色嘅外观吓亲，入口其实只喺柠檬梳打，味道唔会话超特别，但胜在冰凉清爽，凉快清爽一下口腔之用，再者，够晒大杯，啱啱食一餐烤肉就饮晒。
喜来稀肉卷成花形嘅喜来稀肉，其实喺切成薄片嘅牛肉，拆开后都有好多片，概略印象上都有7-8片，由于薄，所以，放晌炉中唔使烧好耐就可以食。口感柔嫩，油脂度属中等，唔会太油，亦有充足嘅脂香感。由于始终有一定嘅油脂，夹生菜食就最好不过。
喜来稀肉
30 浏览
0 赞好
0 留言
牛五花平时食五花腩都喺讲紧猪肉，牛一样有「五花」，同样包含脂肪部份不少，友人睇见都有点怕怕，少试一件起，两件止。烧好之后，啲脂肪自我隐藏，感觉无咁肥膏感，但喺夹多少少洋葱、大豆芽、蒜头食起嚟就无咁罪恶感，然而，油香晌口腔内满到泻。
特级牛颈牛颈肉件件切得四四正正，色泽鲜红，油花分布平均，而且花纹细致，未食都觉得好上等。烧过之后，牛颈肉肉质极之腍滑，牛味出众，加上油花平均，食落份外甘香。最好喺沾点甜辣酱净食，唔需要夹呢样𠮶样，纯粹品尝其肉香及油香。
特级牛颈
40 浏览
0 赞好
0 留言
牛肋骨肉肉与肉之间有层脂肪，但又唔似牛颈肉一类咁平均，烧过后入口肉质柔韧有弹性，比较有咬口。几款肉都切成嘅呎吋刚好，一口一件，方便食用。
烤调味牛排骨外观、线纹都有啲似特级牛颈，只喺调味过色泽带沉。啲牛排骨肉口感软腍，加上调过味，味道亦比较重。
杏鲍菇 $50啲烤肉包住生菜食既可减腻，又可增加纤维质吸收，不过，友人还是想烤点蔬菜，故此就点一客杏鲍菇。啲菇烧完之后自然变得软身，但口感却喺有少少爽脆嘅感觉，菇味亦不俗。
一次过试到5款肉，而肉嘅质素又高，真喺好满足，绝对「喜」来。
张贴
