Goobne Chicken (M88) (已結業)

同几个韩国疯嘅朋友食鸡！韩国炸鸡喺香港曾经风靡一时，遍满全港九，而韩式炸鸡比起连锁炸鸡快餐店有更多口味。Goobne Chicken嘅鸡就同市面上嘅韩式炸鸡有d唔同，佢系用烤嘅方法，而唔系油炸，感觉上比较健康。我地次次黎都一定会叫果味蒜香烤鸡，甜甜地，不过今次蒜香无乜，略欠层次。韩式粉丝蛋卷上枱时热辣辣，见到有几层嘅蛋，包住韩国粉丝，腌萝卜，味道不错。食食吓，朋友决定追加一个甜辣烤鸡同砂锅鱼糕汤。甜辣烤鸡辣度都几足，初初第一啖食到个甜味，之后会愈食愈辣。最后再饮返个鱼糕汤，入面有不同嘅鱼糕，其实系似鱼蛋嘅，个汤都有少少辣道，不过唔会好辣，点到即止。呢度唔算太多人，可以同朋友轻松咁倾计，不错。