J’s Bistro (已結業)

一间餐厅最重要系食物出品，如果食物质素唔掂，其他方面补救亦是徒然。之前喺长沙湾返工，经常会帮衬长沙湾广场入面嘅J’s Cafe，佢嘅意粉出咗名弹牙，材料新鲜，每碟食品都好用心去制作。依家佢喺荔枝角D1 place two开咗一间J’s bistro, 一定要试试。Lunch time 同朋友去咗试佢午餐，主菜我拣咗蒜香意粉。头盘有罗宋汤配迷你牛角酥+沙律🥗，牛角酥质素超高，新鲜够热够爽脆，沙律菜好新鲜，一间用心制作嘅餐厅，即使系头盘，从食物中你就感觉到佢嘅用心制作。主菜炒蒜香意粉，简单一碟意粉，炒得非常弹牙够干身，每一啖都系享受，朋友则点了烤鸡，佢话烤鸡好香，鸡肉够滑。最后餐饮我饮热咖啡☕️，咖啡香醇浓郁，咖啡豆同咖啡几都好得。