Goobne Chicken (東薈城名店倉)

营业中

休息中

我见出面有露天座位，秋冬坐一定好正，烤鸡上菜都叫快，而且够热辣辣，唔洗等到佛诞。*芝士炒年糕 $165年糕好烟韧，𡁻下𡁻下，又够入味，韩式甜辣甜辣，少少辣，加埋半融芝士，更加冇咁辣，仲有鱼饼，同埋公仔面，呢个辣啲，但辣得黎好惹味。甜辣烤鸡+果味酱油蒜香烤鸡 $238起码有14至16件鸡块，有鸡胸鸡胸鸡翼，冇雪藏鸡味，但鸡胸有少少干，其他都好嫩滑，每一块都焗到好香，少少脆。甜辣味唔会好辣，酱油蒜香半咸半甜，蒜香味唔会好强烈，两个都够多酱，都好好食，食腻左有粒粒腌萝卜解腻，爽脆又酸酸地。韩式牛肉炒粉丝 $128炒粉丝好正，好多配料，牛肉，冬菇，蛋丝，红萝卜丝，洋葱丝，不过好油，成个嘴唇都系油，成个碟底都系油，而且偏贵。