源味開元米線 (已結業)

豆花烤鱼 - 鲩鱼 💰268 8⃣️分 食完想再光顾的一家烤鱼店。小编和友人们一齐去左依间新开既烤鱼铺头，虽然话就话叫米线，谁不知入面食烤鱼既人多的是。首先想讲小编选择依款鲩鱼先，外面系烘过，所以鱼既外层好酥脆，而鱼肉就好鲜嫩，加上酱汁，好入味。/4种自选配菜 💰59 7⃣️分配菜冇话好特别，但系每款个分类都好足够，两个人食已经会好饱肚。而且菜都好新鲜同爽口，放入d汤入面一齐煮好容易就索晒d味。/口水鸡 💰128 7⃣️点5⃣️分依款口水鸡唔会话特别辣，所以食唔到辣既朋友仔都可以点。鸡既口感鲜嫩，而且够晒滑，每一旧都切到啱啱好，而且全部都系鸡髀位，真系啖啖肉。因为太入味，食得太多d辣就会慢慢渗出黎，食得辣既朋友仔就必点啦。/霸气百香果 💰28 7⃣️点5⃣️分首先系佢个size大大杯，够晒霸气！再者饮落去唔会太酸太甜，中庸之道得非常好，饮完讲真会想再叫多一杯。其次听到老细讲，佢地个冰机系私伙嘢，可以消毒埋，饮既水都健康d。真系识为街坊著想。果然霸气十足。