八一蕃巴蜀烤魚店 (砵蘭街) (已結業)

两条烤鱼是预先烤过, 再配以麻辣汤底及各种配菜上碟，大量的葱段、芫茜、辣椒、金针菇为烤鱼带黎唔少色彩! 未上台已经香气扑鼻! 等汤底再稍为滚一滚,烤鱼就食得, 虽然鱼经汤底浸过，但鱼皮都尚算脆的, 食得出烤既时候有落过唔少惹味的调味粉，鱼肉口感嫩滑不松散。汤底麻辣惹味, 烤鱼唔太多骨,整体外脆内嫩而火辣惹味! 辣度适中不过火, 成枱人都岩食。另外叫左个养生锅醉鸡煲, 汤底同醉鸡分开上碟, 鸡件浸住米酒, 食用时随个人口味酌量将米酒倒入汤底，酒香味随意调较,。至于汤底，浓郁有阵阵药材味，配料有冬虫草、鸡脾菇。未食鸡之前仲可以舀碗汤饮下, 感觉几滋补架! 除左因为汤底靓浓郁，鸡件够入味，鸡件亦够新鲜有鸡味! 值得加分!