八一蕃巴蜀烤魚店 (砵蘭街) (已結業)

系屋企食得太多清淡饭，所以星期五放工就同朋友食番餐重口味，我就提议去食依间八一蕃巴蜀烤鱼，主打四川味为主既烤鱼。一坐底就同朋友叫左两壶自家制既李干苹果茶同酸梅汤，酸梅汤相当开胃，甜酸恰到好处，非常易入口，而李干苹果茶就香香甜甜，苹果香好重，仲感受到苹果蓉系口入面，一样十分开胃。首先叫左碟夫妻肺片小食，好爽口少少麻辣，仲叫多两串白鳝同火鸡肾，火鸡肾唔会硬到咬唔到，而白鳝就好肥美，好香鳝味。本身谂住只系叫烤鱼，点知见到有鸡煲又心思思，最后两样都叫哂。鸡煲香料调味非常好，鸡肉好入味而肉质仲好滑，会食到唔停口。最后到主角巴蜀烤𫠐鱼，第一次食𫠐鱼，原来肉质好滑又少骨仲好大条，好适合唔钟意食到太多鱼骨既大家，个汁好惹味，好自然会食到停唔到口。因为觉得个汤汁好好味既关系，所以最后叫左小小配料作结尾，十分满足。