川味雞烤魚大王 (大河道)

营业中

休息中

今日放假同朋友嚟荃湾觅食，冻冻地但又唔想打边炉，所以就拣左食烤鱼佢呢到除左老坛酸菜鱼，仲有好多唔同口味同种类嘅鱼(剁椒，麻椒等等)。之前几次都系食酸菜鱼，今次有少少新意，食酸辣鲈鱼，哈哈，挑战下食辣。个酸辣鲈鱼一嚟已经好香，满满嘅芫荽，配料有酸菜，白萝卜，薯仔等，我地再点左个幼薯粉，份量好多，所有材料吸晒汤底酱汁，够晒Q弹好好味，欣赏呢到调味唔算太咸，就算煮左一段时间都只系浓郁同更出味。讲返主角鲈鱼，好大条鱼，份量十足，外皮有煎香，所以更好食，肉质唔会太实又唔会淋，我觉得都几嫩，好味道。而且基本上除左大骨都无咩细骨，啖啖肉，食得好满足，佢汤汁有少少孜然味道，带少少辣，香味十足，好开胃，再饮埋枝啤酒啤啤佢，就超级满足。