源味開元米線 (已結業)

去开长沙湾，经过一间有四川风格装修既铺头，闻到烤鱼既香味，即刻流口水，毫不犹豫就入去试下。等野食既时候，发现店内既特色墙好有中国装修既感觉，目测可能仲系人手画既tim，好有心思！店员服务态度好好，我地无头绪食咩好既时候主动同我地介绍唔同特色菜式，最后我地叫左酸菜蒜香烤鱼，鱼就拣左江团鱼。条鱼真系好大条、江团鱼既特色就系啖啖肉！配埋个汤汁，带出鱼既鲜味。另外烤鱼既配料都好丰富，蒜头、黄金豆、豆腐、酸菜等等，数唔晒，饱到北行！有浓味既蒜香，老板推荐我地试下招牌自家鲜榨饮品。「健康爽芒」，健康在佢系用芒果鲜榨出黎，唔系芒果味饮品，饮到芒果果肉，钟意芒果既人唔好走宝啦。而「蜂蜜柚子茶」饮落去就清新啲，带绿茶味，同韩国𠮶啲完全唔同，我觉得好值得推介。老板仲同我地讲，啲蜂蜜真系蜂蜜，唔系平时系超级市场买𠮶啲唔知有冇化学野既蜂蜜。除左烤鱼之外，仲有米线、鸡煲等等，今次饱得济，下次要黎试下其他！