Seafood ghost (已結業)

冬天边炉打到闷闷地，一于加埋烤鱼二合一，边火锅边烤鱼，又几盏鬼㖞。 泰国冬荫公烤江团鱼（bb辣） $268有三款鱼选择，最后拣左比较少骨的江团鱼，鱼身够厚肉，仲有不少配料如冬菇、莲藕、薯仔，未食其他火锅料都够饱。汤底香浓，但没有过咸抢去鱼鲜味，食条鱼不经不觉都食左成粒钟。顶级黑豚猪腩片 $125敌不住引诱都要叫啲火锅配料，猪腩片肥瘦均匀切得够薄好快熟，食多2片都唔觉饱。 十优状丸 $102丸丸丸点可以唔叫，贪心一次食晒多款丸最满足。十优状丸有齐黑松露墨鱼丸、虾丸、墨鱼丸、黑墨丸及鲮鱼丸。每款两粒，激赞墨鱼丸同虾丸，入面够真材实料好够味而且爽口弹牙。冻青柠梳打 $32梳打加点青柠味道清清地。水蜜桃乳酸梳打 $32微酸甜甜地都几好饮。