影片
更多
2022-08-01
44 浏览
【惹味烤鱼火锅放题】自从上次系人和月食过鲜味卜卜蚬之后就一直对佢念念不忘，近日比佢新出既芝士鸡煲吸引，就约埋朋友来试下，但当日因为天热气，胃口不是太好，食芝士鸡煲就有腻，所以就拣左麻辣烤鱼。呢度系先选一款头盘，之后再拣汤底打边炉。今次拣左set c澳洲和牛大满贯，满足一下牛星人既朋友。麻辣烤鱼叫左小辣，岩岩开始就唔算好辣，烤鱼好大条，肉好多，而且唔算多骨，入面都有少少配菜，亦可以系出面选择其他配菜放埋落一齐。出面雪柜有好多蔬菜类同丸类可以自己夹，而系其他海鲜肉类就可以用手机落单。仲有几款熟食提供，每日唔同架，今日系成都水煮牛，麻辣串烧虾，炸金菇同凉拌青瓜。虽然每款睇落好似好辣甘，但其实平时食小辣既朋友都可以品尝到。蒜蓉烧鲍鱼跟餐每人送左1只烧鲍鱼，肉质爽口，蒜蓉好惹味。牛肉大满贯拼盘餐厅会先上8款唔同部位既牛肉。澳洲M4和牛，牛味浓，肉质嫩，而牛小排亦唔错，可惜系限量供应。但牛胸油同牛板键就系无限供应，牛胸油爽口味浓，牛板键肉质都唔错。胡椒猪肚汤汤底好足料，劲多猪肚同胡椒，味道亦好浓郁。如果胡椒粒用汤袋装住就更好啦，唔使啖啖都食到胡椒粒。海鲜拼盘有5款海鲜，鲍鱼，带子，海虾，大蚬同青口
自从上次系人和月食过鲜味卜卜蚬之后就一直对佢念念不忘，近日比佢新出既芝士鸡煲吸引，就约埋朋友来试下，但当日因为天热气，胃口不是太好，食芝士鸡煲就有腻，所以就拣左麻辣烤鱼。
呢度系先选一款头盘，之后再拣汤底打边炉。今次拣左set c澳洲和牛大满贯，满足一下牛星人既朋友。
麻辣烤鱼
叫左小辣，岩岩开始就唔算好辣，烤鱼好大条，肉好多，而且唔算多骨，入面都有少少配菜，亦可以系出面选择其他配菜放埋落一齐。
出面雪柜有好多蔬菜类同丸类可以自己夹，而系其他海鲜肉类就可以用手机落单。
仲有几款熟食提供，每日唔同架，今日系成都水煮牛，麻辣串烧虾，炸金菇同凉拌青瓜。虽然每款睇落好似好辣甘，但其实平时食小辣既朋友都可以品尝到。
蒜蓉烧鲍鱼
跟餐每人送左1只烧鲍鱼，肉质爽口，蒜蓉好惹味。
牛肉大满贯拼盘
餐厅会先上8款唔同部位既牛肉。澳洲M4和牛，牛味浓，肉质嫩，而牛小排亦唔错，可惜系限量供应。但牛胸油同牛板键就系无限供应，牛胸油爽口味浓，牛板键肉质都唔错。
胡椒猪肚汤
汤底好足料，劲多猪肚同胡椒，味道亦好浓郁。如果胡椒粒用汤袋装住就更好啦，唔使啖啖都食到胡椒粒。
海鲜拼盘
有5款海鲜，鲍鱼，带子，海虾，大蚬同青口，每款都好新鲜。
饮品柜有自家制既桂花乌龙同洛神花蜜，仲有樽装汽水同啤酒提供。
除左雪糕，呢度仲有仙草豆腐花芋圆。。。自己慢慢选择搭配。
张贴
