影片
更多
2022-08-11
55 浏览
💰派咗消费券，又系时候食好啲！虽然我只系食最平嘅$298套餐，但质素仍然好高！🪑环境干净明亮、企理，唔嘈，适合欢聚倾偈。💁♀️服务超好，有礼貌，讲嘢仲几温柔，系咪特别培训过？😂餐厅有分头盘同火锅，头盘可以选择烤鱼、鸡煲、卜卜蚬、酸菜鱼等，我拣嘅麻辣烤鱼（BB辣）。🐟麻辣烤鱼非常惹味香口，BB辣又真系唔太辣，加州炉鱼肉唔会煮得好烂，煮得耐都好完整，配菜仲有非常鲜甜嘅莴笋＋娃娃菜＋吸汁豆卜，正啊。🥘火锅汤底拣咗「椰青香茅青柠汤」，好有冬荫公酸甜开胃Feel，不过唔辣嘅，充满椰香＋青柠味，可以解腻，朋友赞咗呢个汤底两次，大推！每枱会按选择嘅套餐送一个牛肉拼盘。🥩牛肉拼盘其实全部牛肉都好食，有牛味，唔会得个样，就算系最普通嘅肥牛都食到牛油香，牛白肉好爽，牛板腱比较瘦有咬口。🍤蟹籽虾滑钟意食虾的话强烈推荐，好有虾味，仲唔洗剥壳😂🦐海虾大只，新鲜爽脆。🐠脘鱼片好滑，有淡淡嘅鱼味。🦑自取小食款式不算多但高质！我食咗豆腐、青瓜、炸菇、麻辣鸭血、猪颈肉都好食，唔似某啲火锅放题求其放啲食物hea你。🍧甜品最得意系有棉花糖机，职员仲识整唔同花款，劲！🍦雪糕有蜜瓜、芒果、云尼拿味，仲有DIY 材料可以加红豆、
🪑环境
干净明亮、企理，唔嘈，适合欢聚倾偈。
💁♀️服务
超好，有礼貌，讲嘢仲几温柔，系咪特别培训过？😂
餐厅有分头盘同火锅，头盘可以选择烤鱼、鸡煲、卜卜蚬、酸菜鱼等，我拣嘅麻辣烤鱼（BB辣）。
🐟麻辣烤鱼
非常惹味香口，BB辣又真系唔太辣，加州炉鱼肉唔会煮得好烂，煮得耐都好完整，配菜仲有非常鲜甜嘅莴笋＋娃娃菜＋吸汁豆卜，正啊。
🥘火锅汤底拣咗「椰青香茅青柠汤」，好有冬荫公酸甜开胃Feel，不过唔辣嘅，充满椰香＋青柠味，可以解腻，朋友赞咗呢个汤底两次，大推！
每枱会按选择嘅套餐送一个牛肉拼盘。
🥩牛肉拼盘
其实全部牛肉都好食，有牛味，唔会得个样，就算系最普通嘅肥牛都食到牛油香，牛白肉好爽，牛板腱比较瘦有咬口。
🍤蟹籽虾滑
钟意食虾的话强烈推荐，好有虾味，仲唔洗剥壳😂
🦐海虾
大只，新鲜爽脆。
🐠脘鱼片
好滑，有淡淡嘅鱼味。
🦑自取小食
款式不算多但高质！我食咗豆腐、青瓜、炸菇、麻辣鸭血、猪颈肉都好食，唔似某啲火锅放题求其放啲食物hea你。
🍧甜品
最得意系有棉花糖机，职员仲识整唔同花款，劲！
🍦雪糕
有蜜瓜、芒果、云尼拿味，仲有DIY 材料可以加红豆、仙草、芋园、椰果等等，好开心。
整体嚟讲好满意，性价比高，120分钟都足够，适合相约三五知己聚会。
📍 人和月鸡煲火锅店 (尖沙咀)
尖沙咀海防道38-40号中达大厦3楼
张贴
