十二味不只是烤魚 (已結業)

今日女朋友放工，接咗佢去食烤鱼，之前喺云南四川都食过，近几年香港都好流行，所以就嚟呢度试吓啦。平日嘅六点钟，店入边都有成四围枱，不过我就见佢哋食啲锅物而唔系食烤鱼，可能下午茶食烤鱼太滞挂。店员姐姐系讲普通话嘅，比我感觉好似好地道咁哈哈。菜单有一张大一张细，细𠮶张就系俾你拣要边一种鱼要咩汤底。我哋拣咗最平嘅魭鱼，要咗酸菜汤，仲叫咗几个配菜。店员姐姐之后送咗两杯水，系柠檬水， 感觉好清新，觉得佢个目的应该系俾人解辣既，都几细心。条鱼送到，三磅重都几大㗎，两个人一定要够饱，个汤底几入味，酸菜都好香， 最紧要系条鱼好新鲜。唔会好似我哋喺四川嘅时候食过有啲草青味。我觉得师傅应该系调味𠮶度有着手，因为类似嘅鱼真系会好容易有草青味。配菜不过不失，我哋叫咗萝卜同生菜同木耳，不过大家都净系挂住食条鱼哈哈，下次真系想试吓佢另一条叫做江团鱼。谂住迟啲带屋企人成家过嚟食，就可以试埋佢啲锅物。另外值得一赞嘅就系佢嘅冷气好足够，食呢啲烤鱼好容易食到全身汗。