4號烤吧 (已結業)

今日去开西环做野，放工就顺便同埋同事系附近食晚饭~佢拣咗呢间4号烤吧，好耐无食烤鱼，正！一于试吓先！毛血旺烤鱼烤鱼辣劲十足，辣得愈食愈过瘾！我哋今次嗌左清江鱼，冇乜刺之余又厚肉。鱼肉一直煮都依然好嫩滑。烤鱼底仲有好多配菜，包括芽菜、薯仔、莲藕、午餐肉等等…超丰富！！特别推介鸭血，鸭血滑捋捋，配以炉底既麻辣酱汁，真系又正又惹味～七味一口豆腐豆腐即叫即炸，食落热辣辣又脆口。入口嫩滑，外皮洒上香浓既七味粉，辣辣哋既味道配埋上豆腐就啱晒啦！！酥炸忘不了见到必食之选就即刻叫左一份嚟试！鱼身炸到好香口，又唔会有腥味。上面既炸蒜够香同炸鱼好夹，推荐～