小魚兒 (富麗花園) (已結業)

近排都多烤鱼既餐厅，烤鱼呀鸡煲个d最怕个味道会过咸，而今次黎食小鱼儿餐厅既烤鱼就冇呢个问题。首先拣左海炉鱼，口味叫左古镇水码头毛血旺，黎到见到咁大条鱼都流哂口水，仲要配埋毛血旺简直系超夹，毛血旺系有水鱿鱼、鸭血、牛柏叶，辣度除左基本辣度外，仲有分多麻中麻定小麻。条鱼几爽啲肉，味道唔会好咸，又唔会死辣，仲几鲜甜。毛血旺份量好多，个人最喜欢牛柏叶。另外叫左个口水鸡，呢个口水鸡系我食过最好食既口水鸡酱，味道系好实在，辣味加埋小小花生酱味，而唔系好似其他口水鸡咁又多油又扮哂好辣咁。仲要只鸡唔系冻到实的的咁，暖暖地仲好食。最后，闲日中午黎食都几多人，系将军澳区黎讲呢间既烤鱼算系数一数二。