聚寶食軒

营业中

休息中

放工同同事一齐去打边炉，大饮大食先够尽兴🤩一行4人嚟到呢间小店，有得坐卡位够哂舒服，地板仲无黐立立好干净👍🏼👍🏼首先叫咗半条麻辣烤鲩鱼，鱼难得无泥腥味又够滑，仲索哂麻辣汁嘅味道，超正！😍食到差唔多时，就可以叫打边炉料啦🤭我哋分别叫咗安格斯牛小排、鲜鱼卜、莴笋 同鲜嫩鸭血😎食材本身都好新鲜，特别系安格斯牛小排油花好靓，每片牛都非常有水准，而且汤底越滚越浓味，建议食完烤鱼一定要打边炉🤩🤩不过我哋最欣赏嘅一定系黄金脆炸鱼皮💛咸蛋黄不多不少地包住炸鱼皮，绝对系一碟有诚意嘅咸蛋炸鱼皮🤤同同事啤一啤，打边炉真系好开心，而且嘢食又好味，环境卫生企理，应该好快会encore多次🤭🤭