烏蠅館 (九龍中心大廈)

营业中

休息中

久唔久就想食啲重口味野，今次就揾咗呢间烤鱼试试～首先上嘅系开胃小菜～四川酥鱿同蒜泥白肉。酥鱿真系好好食，系未食过嘅调味，带有花椒嘅香同麻。跟著就系烤鱼，我哋拣咗麻辣口味青江鱼，鱼肉新鲜、肉质鲜嫩，外皮酥脆。配料方面，就加咗莴笋同寛粉。超吸汤，必食。不过食食吓，啲汤会蒸发，越食越咸，建议加水就够啦。估唔到饮品方面有咁多款拣，同出面啲手摇有得比。黑糖珍珠奶茶和西瓜鲜绿茶都非常出色。黑糖珍珠奶茶，啲珍珠Q弹。而西瓜茶清爽解渴，仲有唔少西瓜。