正宗上海生煎皇 (已結業)

呢間餐廳長期都有條人龍排緊隊，好幾次收工想去食都係食唔到。今日平日放假食完午餐之後經過，發現竟然入邊有位直接可以入去，所以二話不說即刻入去試吓先 🤣佢環境都算唔錯，入邊坐得好舒服。平日嘅下午見到入邊啲客有啲係遊客嚟嘅，可能係啲旅遊書都有介紹呢間鋪頭掛。佢啲落單姐姐好搞笑，送啲生煎包上檯時會係咁提你小心爆汁 🤣因為佢好出名我對佢都有啲期望架！可惜食落我覺得都係一般咋....佢個包可能已經煎好放左一段時間，外面已經唔係好夠熱啦，入面雖然都係熱嘅...個底suppose要系脆嘅，但好似頭先講咁，佢放得耐左影響左個口感。味道其實係幾好嘅，所以只能講係不過不失啦。