加多娜天然酵母手作麵包店

营业中

休息中

呢个布甸包真系成日食，各款口味都唔错。唔知大家买返嚟后，会唔会翻焗／返气炸再食呢？我系一直以为......只可以冻食🤣焗咗又有咩唔同呢? 我以为焗完内馅就变流心了，究竟焗定唔焗好呢?冻食个布甸，真系又香又浓又滑，食落好似食雪糕甜品咁。面包部份就会有啲水气，都系好食的但质感就已经林咗。好啦，我今次气炸7分钟，出焗岩岩好 (当然都可以焗啦，我谂睇到佢上色就可以，边样方便用边样啦~)。就咁睇个外表，炸完面包表面明显深色咗，睇上去食欲都大咗。炸完个面包部份简直回春！变返18岁卜卜趣。 而布甸部份，食落感觉就有啲似好滑的炖蛋。我钟意边样？就系炸过的面包mix冻食的布甸🤣。