Davinci Cook (已結業)

有狗，一向都唔介意坐室外，但系炎热嘅夏天每一间有室外嘅餐厅都一定具备风扇或者风机等设备，但系这间餐厅只有一把风扇和一部完全冇冷风出的风机，成餐饭个几钟好似坐系个焗炉入边食咁，眼见室内冷气超大。问个女仔拎个冰底，可能佢见我个刚刚到嘅朋友有罐汽水喺度，就喺里面拎个冰底出嚟但系加咗水，好似系惊我哋攞个冰底嚟饮汽水咁，只不过系佢提供嘅冻水已经变咗做暖水，只系想d水变返冻啲啫！另外叫咗个意粉，开头系叫龙虾汁𠮶个即系相中粉红圈𠮶个，点知佢嚟咗个樱花虾意粉，跟住个超冇礼貌嘅肥姨姨问我地介唔介意食呢一个，但睇睇个餐牌原来系双重芝士，因为小朋友真系食唔到咁浓嘅芝士味，咁同佢讲唔得我哋要叫返本身𠮶个，跟住佢同我讲入去整过个新嘅俾我，等左好耐终于拎左个龙虾汁意粉出嚟，但系个又无礼貌既肥姨姨同我地讲「因为你有小朋友，我帮你个意粉走咗黑椒同埋走咗芝士」𠮶一刻真系好嬲，你走任何野之前有冇谂过问下我意见先帮我走，之后终于都明白点解会帮我走芝士，因为佢系将本身𠮶个樱花虾意粉转做个龙虾汁意粉，因为意粉里面有大量樱花虾⋯这间餐厅真系无信用无质素可言！唔会再黎食，又贵又无质、无诚意、无礼貌！