樂都冰室

营业中

休息中

朋友介绍天空之城呢个位仲有其他好嘢食过黎试下，佢地特别推介咖哩同焗猪扒饭。黎到系下午茶时间，叫左个咖哩牛腩捞一丁，同朋友散点左焗猪扒饭加鸡蛋。饮品就冻柠乐(+$5)，朋友散点的焗猪原来饮品加多啲钱先有，冻朱加左$10。 咖哩牛腩捞丁，黄咖哩超香，汁多，可以令每条面都捞到咖哩汁，薯仔腍，但牛腩真系好唔掂，肉硬，唔腍，首先系部位唔系靓牛腩，第丁炆得唔耐，真系令成个捞丁大打折扣。牛腩真系好俾心机整先得，商业环境如果唔容许 不如整返咖哩牛肉、猪扒、鸡扒，作为食客，我宁愿食块好食的牛肉，好过夹硬食旧起咋渣的牛腩。到左焗猪扒饭，呢个猪扒要一赞，厚切好有咬口，肉质腍，而且仲保留有肉汁。而焗饭汁则茄汁酸甜适中，饭粒分明，炒饭底可以再炒香少少。