聯華茶餐廳

营业中

休息中

好耐冇写食评,最近有个新开始,人都开心d.. 呢次山长水远专程过海走去西环食晏,为o既系一个朋友个朋友介绍俾朋友食但又食唔晒o既焗猪扒饭..好开心, 又揾到一间比较旧o既餐厅, 虽然个名冇冰室两个字, 但d格局就十足十老牌冰室咁, 有楼上雅座. d栏河都旧过人, 好好feel..再睇个餐牌, 好多都唔知系乜,唔系度度都有.. 一入到去, 满晒人, 唔理咁多冲上楼上, 一个人都冇, 非常好, 但亦冇人理, 要自己跑番落楼下order野, 一个焗猪扒饭, 一鸳鸯, 一奶茶... 奶茶好滑, 加埋个厚身茶杯, 正宗香港奶茶.. 个焗猪扒饭仲以为系好似大家乐咁成个焗饭咁上, 唔系, 佢将个饭倒上个鹅蛋形碟上, 满晒... 好大呀.. 好味道, 好多猪扒, 又稔, 个吉列皮仲脆... 个饭因为我好开心, 已经唔太记得个味点, 总之好味喇.. 一路食一路倾, 坐左成半个钟, 太饱, 冇得食甜品.. 但好好feelo既香港茶餐厅. 仲有仲有, 一路食, 一路有好多人上楼上雅座.. 走时都好多人.. 星期日都咁多人, 唔少野...