大快活 (麗港城商場)

营业中

休息中

晚上一個人無人約，只好獨個兒找地方吃飯，一個人食飯點都離唔開快餐，喺麗港城附近行左好幾間，最好係冇得好揀嘅情況之下，選擇了大快活，不過大快活係我眼中不嬲都保持穩定質素，係正面嘅，反而大家樂丶美心快餐感覺上更加商業化，大快活看起來比較有良心，因為他們的餐飲中標榜冇味精，仲可以加飯，不過今次做咗一個好錯誤嘅決定，就係點左焗豬扒飯。圖中可見，這個焗豬扒飯非常乾身，基本上表面都唔可以叫係有醬汁，基本上一舊蕃茄都冇，裏面的炒飯都係好乾身，吃起來整個飯都很乾，加上豬扒都係好乾同好薄，我相信只有麗港城這一間先至可以做得到，因為我之前幫襯過觀塘廣場的大快活，質素差好遠，同一間鋪頭唔同地方，整個飯可以相差咁遠，希望佢哋能夠多多改善，佢哋其他嘢食方面我都非常支持，包括我最喜愛的肉醬意粉，及咖喱牛腩飯。下次我應該點算這兩個會比較穩陣。