Sodam Chicken (已結業)

Sodam Chicken 嘅炸鸡之前已经试过一次，今日喺铜锣湾逛完谂唔到食乜，就决定再嚟帮衬～🍹提子特饮$58一如以往呢个特饮系劲大杯，个base系有汽嘅提子梳打，原来仲插住支七色彩虹果汁雪条，童年回忆返晒黎🤣打卡度高之余亦都啱晒热辣辣嘅天气。🍗鸡软骨饺子$45外皮煎到卜卜脆，点埋辣辣地嘅甜酸酱，非常开胃。🍗双拼焗鸡$188上次试咗炸鸡，今次就试吓冇咁热气嘅焗鸡，拣咗韩式紫菜/蜜糖蒜香两种口味双拼，韩式紫菜有啲似老麦嘅悉悉薯条味道，调味唔会过浓比较食到鸡嘅原味，而蜜糖蒜香同焗鸡呢个组合真系几无敌，蜜糖令鸡件件焗得更加香脆，微微蒜香越食越滋味。