茶舍 (MOSTown新港城中心(5期))

营业中

休息中

晚市好多人排队应该都好好食，睇下餐牌好多选择，必点推荐焗类，我地点左芝士肉酱薯条，肉酱好好食，够多汁可以捞晒啲薯条，而且薯条即叫即炸香脆可口，朋友点左三层芝士鲜茄焗牛脷饭，茄酱酸酸甜甜开胃，芝士铺面有拉芝效果好正，厚切牛脷煮得够稔，容易咬开，冬天配热饮就啱啱好，热好立克、朱古力同奶茶都好饮，个人中意饮奶茶多啲，因为茶味香浓，唔洗落糖都好饮，白汁鱼柳焗饭，大大件又啖啖鱼肉，白汁拌饭creamy，我就点左咖哩牛腩焗饭，个咖哩好正因为好惹味但又唔辣，想讲佢地既焗饭一流系好多汁，同埋好中意佢个饭底系好干爽好好咬，仲要系蛋炒饭，非常高质好好食！