影片
更多
2013-06-15
653 浏览
1月30日, 今日午饭时间去咗北角揾食, 因为都唔太熟呢头, 所以梗系上网揾下有咩好介绍~ 见到呢间以sell蚝呀, 焗饭等意法式餐厅, 竟然只有好评冇劣评, 当然抱住冇死嘅心态去试下啦~ 舖面细细地唔系好易揾, 格局都几茶餐厅, 但系餐牌有焗蚝食, 几吸引人, 之不过我地今日只系想食个轻lunch, 冇试到.::: 芝士焗蘑菇蚬肉饭 + 冻柠茶 ::: $43 + $2一个set lunch $40-$50包餐汤同饮品, 都唔算系好贵~ 餐汤先上, 系忌廉汤, 看上去好清好斋, 饮清淡感虽重, 但系味道简单得嚟好cream, 唔会话饮到好似用粉沟开咁~跟住上嘅焗饭卖相十分唔错, 芝士铺满咗喺个饭度, 仲有少少㶶咁非常香浓~ 笔起一羹饭, 芝士丝丝紧扣著, 半溶而又热辣辣嘅芝士入口浓郁, 亦带有半脆感~ 不得不提嘅系除咗芝士外, 蚬肉都异常地多, 虽然蚬肉喺海鲜中唔算高级货, 但系平时d餐厅都会好孤寒咁唔会俾好多, 同呢度可以入口啖啖有蚬肉形成好大对比, 唔会斋系啖啖芝士捞饭~ 但系蘑菇竟比下去, 份量唔多亦对个饭起唔到大作用… 但系总括呢个焗饭唔孤寒又有水准~冻柠茶一贯茶餐厅货色,
::: 芝士焗蘑菇蚬肉饭 + 冻柠茶 ::: $43 + $2
一个set lunch $40-$50包餐汤同饮品, 都唔算系好贵~ 餐汤先上, 系忌廉汤, 看上去好清好斋, 饮清淡感虽重, 但系味道简单得嚟好cream, 唔会话饮到好似用粉沟开咁~
跟住上嘅焗饭卖相十分唔错, 芝士铺满咗喺个饭度, 仲有少少㶶咁非常香浓~ 笔起一羹饭, 芝士丝丝紧扣著, 半溶而又热辣辣嘅芝士入口浓郁, 亦带有半脆感~ 不得不提嘅系除咗芝士外, 蚬肉都异常地多, 虽然蚬肉喺海鲜中唔算高级货, 但系平时d餐厅都会好孤寒咁唔会俾好多, 同呢度可以入口啖啖有蚬肉形成好大对比, 唔会斋系啖啖芝士捞饭~ 但系蘑菇竟比下去, 份量唔多亦对个饭起唔到大作用… 但系总括呢个焗饭唔孤寒又有水准~
冻柠茶一贯茶餐厅货色, 有甜味冇茶味, 柠檬多够味又够甜, 只系茶味唔够浓.
::: 芝士焗香草忌廉汁蘑菇鸡肉意粉 + 冻奶茶 ::: $55 + $2
呢个芝士焗香草忌廉汁蘑菇鸡肉意粉个样同个芝士焗蘑菇蚬肉饭有九成相似! 面头同样铺上厚厚嘅一层芝士, 唔同嘅系呢个芝士层底下仲有肥腻嘅香草忌廉汁同埋大大旧嘅鸡肉. 芝士加忌廉本身就系一个无敌嘅组合, 一个香浓一个惹味基本上唔会点失手~ 鸡肉虽然都唔系新鲜但喺大量芝士同忌廉点缀下惹味十足, 意粉亦出奇地仲几爽口弹牙, 唔会搞到湿淋淋水汪汪咁~ 不错!
冻奶茶茶味略涩, 奶味少咗d, 饮品争少少~
可能先入为主, 俾个茶餐厅格局误导咗, 所以本身唔会好有期望, 但系食完之后我地都觉得佢地嘅焗饭比想像中好, 味道唔系话好突出, 之不过卖相同用料都唔马虎, 一个set lunch咁嘅价钱都几实惠~ 下次再嚟可以试下焗蚝, 咁就见埋个真章~
张贴
