銘陽車仔麵 (已搬遷) 新店位置

价钱贵，但好食的话其实都唔介意，但成碗面由汤底，酱汁，面条到𩠌菜都无一可取。香港人食车仔面既经验都一定非常之丰富，呢一碗应该可叫人"难忘"!今晚点咗刀削面，麻辣汁，猪红，牛筋，咖哩鱼蛋，咖哩鱿鱼。由面底开始，面条唔弹牙，无口感。汤底+酱汁：完全无任何特别，淡而无味。猪红：未咬已散，全无味道可言。牛筋：好腍就散既样子，好多毛痴住。咖哩鱿鱼：由外表知道系鱿鱼，但淡而无味。基本的鱼蛋，都系一咬就散开哂，完全系白灼鱼蛋的味道。由落单到有面食已经超过10分钟，都唔紧要。但系碗面来到既时候，面既温度都比较差（似平时食面去到一半左右既温度）。我最后都系食到一半就放弃，以上既面底+𩠌菜配搭+冻斋啡一杯，盛惠$63.