御記糖水專門店

营业中

休息中

系附近食完饭未够喉想揾甜野食，见有间中式糖水舖，有位又有得加下小丸子芋圆咁，价钱都系普普通通嘅价啦。装修都企理又几光猛咁就谂住试吓。两条友谂来谂去都系谂住食紫米露，谂住呢样野应该唔会衰得去边，友人就拣芒果紫米露+小丸子，我就拣冻嘅椰汁紫米露。冻嘅椰汁紫米露味道上都算可以啦，但就好稀好水嘅一碗野咁，都有椰香味嘅，但紫米就粒粒分明，可能有d人会钟意呢种感觉啦，系我唔识欣赏到友人果碗芒果紫米露+小丸子就都唔洗介绍，紫米底都系一样，但小丸子好明显系即叫即整，因为d小丸子系仲热ga，有一两粒仲煮到一pat野咁都唔知系咪应该赞佢新鲜制作好，但真系未试过一碗冻嘅糖水又加d热辣辣嘅野落去啰。