影片
更多
2008-08-28
7 浏览
小金鱼寻晚同为食"拍拿"小猫一齐去配眼镜。配眼镜已经搅到我一肚气，(<===可惜呢个生气过程唔当食评)但系估唔到食饭时仲大镬。我同小猫打边炉一向都系去稻香，但系寻晚唔知搅乜，稻香超多人，仲要唔系食特价时段，8点几上到去都话要等10几张枱(平时去都无咁夸张，寻晚唔知发生乜事~)咁我地又唔想等，唯有转地点啦。以前我都有食过呢间福苑，质素都算ok~之前多数都系食特价时段(9点后)，所以价钱都唔系贵，但系估唔到今次会搅成咁....上到去唔洗等位，即刻有位坐，可以话系比我地任择咁~我地都肚饿啦，而且打边炉嚟嚟去去我地都系食过几样野，所以都唔洗点谂就择咗以下呢几样野食！汤底：清汤罗白坑腩 <=== 不如叫做胡椒罗白牛腩仲好，初初食时无味(真系清汤呀)，后嚟越食胡椒味越浓，原全有种用斋食胡淑汤底的感觉~d牛腩无味(至于系咪坑腩，我唔系太识份啦)~我又唔太钟意食罗白，但系真系好无味，我宁愿食沙嗲仲好~生料：珊瑚蚌 <== 迷思 (1) 睇落去新鲜，食落去无味饍片 <== 迷思 (2) 厚身 = 抵食 = 无味 ???? (好诡异的方程式呀~)鱿鱼片 <== 迷思
配眼镜已经搅到我一肚气，(<===可惜呢个生气过程唔当食评)但系估唔到食饭时仲大镬。
我同小猫打边炉一向都系去稻香，但系寻晚唔知搅乜，稻香超多人，仲要唔系食特价时段，8点几上到去都话要等10几张枱(平时去都无咁夸张，寻晚唔知发生乜事~)
咁我地又唔想等，唯有转地点啦。
以前我都有食过呢间福苑，质素都算ok~之前多数都系食特价时段(9点后)，所以价钱都唔系贵，但系估唔到今次会搅成咁....
上到去唔洗等位，即刻有位坐，可以话系比我地任择咁~
我地都肚饿啦，而且打边炉嚟嚟去去我地都系食过几样野，所以都唔洗点谂就择咗以下呢几样野食！
汤底：
清汤罗白坑腩 <=== 不如叫做胡椒罗白牛腩仲好，初初食时无味(真系清汤呀)，后嚟越食胡椒味越浓，原全有种用斋食胡淑汤底的感觉~d牛腩无味(至于系咪坑腩，我唔系太识份啦)~我又唔太钟意食罗白，但系真系好无味，我宁愿食沙嗲仲好~
生料：
珊瑚蚌 <== 迷思 (1) 睇落去新鲜，食落去无味
饍片 <== 迷思 (2) 厚身 = 抵食 = 无味 ???? (好诡异的方程式呀~)
鱿鱼片 <== 迷思 (3) = 迷思 (1)
带子片 <== 全餐最好食个样野，仲可以话比稻香好食，good~
牛栢页 <=== 只要新鲜就好~但系因为个汤底无味~所以都系无味~
新鲜虾丸 <=== 其实OK~只系因为小金鱼唔钟意食新鲜的丸类，所以无乜点食。
鲜滑牛 <=== 普普通通啦~个样睇落去唔好太好，但系食落OK啦~
金菇菜 <=== 迷思 (4) 好想问下佢地到底有无洗过，因为睇落去好似刚刚切完就攞出嚟比我，但系分量都频多。
油麦菜 <=== 迷思 (4.1) 食唔矖~
鸳鸯水晶饱 <=== 全部煮几煮就烂，搅到入面D奶黄同豆沙唔见咁D~但系至好都叫做好食。
熟食：
"九"菜猪红 <== 几好食，如果再热少少会更好
烧腩仔 <== 难食，又肥皮又唔脆，个黄芥辣唔知点解会油多过乜~
至于SERVICE方面，D阿姐真系唔知时运高睇我唔到定点，要叫几次至嚟，我地本嚟有张枱仔攞野，但系食食下有个阿姐问都唔问下就将D野摆返上我地张枱，然后比第二张枱用，仲有我地因为有叫可乐，佢连个冰桶都收埋，我心嚟，你估我实唔会再叫可乐吗？果然我地最后叫个3支可乐，有1支佢求其摆系张枱度，搅到最后支可乐唔冻~而且传菜个D阿姐唔知系咪好多野做，好唔好老脾，有个张我地碟牛肉好大力咁"放"落张枱，我本嚟同朋友倾紧计，比佢吓左一跳，望一望佢面色，黑口黑面咁~唔知仲以为我得罪咗佢~
仲有呢间D鼓油真系原原全全唔掂，唔好话无鲜味咁大啦~真系连最基本的咸味都无，真系唔知佢想点呀，所以唯有贵(HKD10.00)都要叫一碟椒丝嚟，至勉强食得落 ，有种迫人叫椒丝的感觉。讨厌.....X100~
埋单仲要HKD547.00，哗仲要贵过稻香，但系我去稻香食得开开心心，呢度食物又唔好~SERVICE 又唔好~价钱又超贵。(汤底就当系我唔识择，择错咗啦)
下次我宁愿系稻香等位，都我都唔会再嚟呀~~~~
张贴