千家客 (已結業)

最近睇到一篇报导, 介绍佐敦一间传统云吞面。 细细个爸妈就常带我去麦X记食细蓉, 清甜既大地鱼汤底配上新鲜既鲜虾云吞, 直到今日都无一间可以取代到呢种味道。  今日专诚同老公去试呢间3毫子云吞面, 可惜失望而回。入到铺内, 除咗云吞面价钱比较正常外, 其他既粥面都比一般有名气既粥面店贵。不过价钱都唔系最重要, 最重要系个味道。 我同老公分别试咗佢既招牌3毫子云吞面, 牛筋腩面同埋炸两。 先试汤底, 学阿苏话斋唔觉有大地鱼味既存在, 感觉上同饮紧味精汤无分别。 云吞只系一般, 没有虾味, 唔似用新鲜海虾。 而且云吞好像预早煮定, 皮煮到白晒晒, 林到无口感。 个面仲好重枧水味, 落咗好多醋依然盖唔过呢种味道。试咗老公一件牛腩, 味道过重, 应该用咸黎形容, 而且太过瘦, 一咬已经痴牙。炸两中的油条好明显翻炸, 食落有种油"益"味, 包住外层既粉浆好厚, 食完一件已经唔想再食。总括黎讲, 物无所值, 不值一试。