朱耀記大閘蟹專門店 (已結業)

今日想食大闸蟹，因为无时间出深水埗或者九龙城帮衬开既舖头帮衬，上openrice揾到呢间七个好评既舖头，谂住应该唔差。去到见到啲蟹大细都有，有平有贵。本身对大只既大闸蟹较有兴趣，所以见到有蟹霸称号既蟹就打算买呢款。当时亚叔仲将啲蟹放紧入冻柜，谂住系有人帮衬完，衰极有限，于是买咗八只蟹霸公，由于自己唔识拣，于是由亚叔操手拣。八只蟹霸公承惠$1,200元，有紫苏叶两包，红糖及自家品牌蟹醋！返到屋企，即时蒸四只开餐，亚叔建议蒸廿分钟，就根足蒸佢廿分钟！头四只一开，发现有两只无羔，另两只亦只是一般，尚可接受。食完头轮，再蒸第二轮。第二轮竟然更加失望，其中一只更有死蟹味，啲肉仲鞋过啲鸡胸肉。不幸中的大幸，尚有一只质素较好，应该系八只中最好！我每年都会去买开既舖头帮衬，亦买开大只既，都未试过好似今次咁差，我唔知系我唔好彩定有其他因素，但下次都系去返买开既舖头帮衬好啲。PS 新闻又话今年啲蟹当造