Sweetology (已結業)

成日都好好奇，点解隔离eurogogo成日要等位，呢间就成日有位，今日一于去试下系咪有伏。我地下午茶时间去，我叫左个拿破仑香肠长通粉，配每日特饮，今日系冻柚子红茶，再加$8要个焗薯皮，我妈要左个公司窝夫配沙律，呢个唔系餐嚟嘅。首先杯柚子红茶，我已经叫少冰，但味道超淡！到个长通粉，虽然有汁，但系无味嘅！当时我知道点解隔离咁多人，真系走去eurogogo食好过！然后到公司窝夫沙律，佢好似公司三文治咁，但面包变窝夫，中间夹住蕃茄生菜烟肉，其实卖相唔错，但窝夫口感不足，似系开粉落唔足料。最后黎埋个薯皮，本身expect佢只有一旧，但竟然有两旧再配沙律菜，谂住$8咁抵食，切切下唔对路，望下张单，原来阿妹落左个$38正常价薯皮，我明明指住个加配价钱落单㗎啦，不过都怪自己佢拎张单黎时无即刻check，唯有照食，呢个味道不过不失！算系正常少少！一句讲晒！无下次！