別府駅前料理 (已結業)

原定谂住食开日本野，所以今餐都唔例外，见到别府呢间餐厅既餐牌都几多啱野食，所以都顺便叫左老婆黎尝试下，况且晚上八点几左右，食饭等位人数又唔系太多，可以等下啦，入到去叫左一碟北寄贝刺身，加一个拉麺，仲有个蟹子沙津，再有一块虾既薄饼，再加上一个馒鱼饭，饮品叫左白雪公主咁，其实佢既野食都唔系问题，最大问题系员工服务性质好有问题，当所有野黎晒之后，系剩返我既主菜仲未黎到，正当我老婆个拉面食左一半有多，其实好明显我个饭已经漏左单啦，我就叫左个员工帮我跟跟佢，之后我老婆个面都食晒啦，最讽刺就系，坐我隔篱果张枱果对情况仲迟黎过我地都食完走左，但系我个饭都仲未到，真系忍唔住同个收银讲，我真系等左超过半个钟，如果你地唔想煮就算啦！最后，个收银急急咁入左去问个厨房点，佢仲话个馒鱼仲要烧烧要等几分钟，真系气顶上天花！至此，要搞到我老婆睇住我食饭，要个饭等咁耐，我都无乜胃口想食，求求其其食完埋单算鬼数，无下次！