小王牛肉麵 (已結業)

今日老公OT，等埋佢收工9点半先食晚饭，太夜先食晚饭已经无乜选择，本来想食邻铺罗麦记，但见佢好似就快打烊咁，而小王店内就仲有不少客，所以就入去食。黑色衫的人好是经理，安排我地坐路口一张二人枱，其实仲有梳化位，不过谂住快快食完返屋企，所以都算。坐路边张枱其实已经好窄，两个侍应仲不停行来行去但又无嘢做，几騒扰。之前帮衬过一次，食过牛肉面，味道ok不过比较细碗。今次要了一碗担仔面、一碗肉燥饭、凉拌茄子和肉松皮旦豆腐。食物份量都系偏少，都唔紧要，最惨系唔好味。担仔面好重枧水味，肉燥饭的肉燥好干味道又唔好，完全无肉燥饭应有的香味。我地差不多食晒碗面同饭都未见两碟小食。之后待应先走过来话无晒皮旦，整唔到肉松皮旦豆腐(我地都就快食完，你唔好埋单先讲?)。凉拌茄子要追单先话差不多有，客都经已走得七七八八厨房都无嘢要出都唔知点解要搞咁耐。最后一小碟凉拌茄子终于上枱，不过点解会系暖? 唔系凉拌咩.... 味道就普普通通。食物味道唔得，价钱唔值，服务唔好，环境一般，唔会再帮衬。