金好

营业中

休息中

今日出开沙田，差不多四点先揾下午茶食，行了几间也无常餐果啲，终于揾到一间有，于是进店，一坐低，个女侍应(可能系老板娘）已经拉低口罩企喺度一路用纸巾＂采矿＂一路等你落order，其实果个moment 已经觉得唔系几卫生，虽然佢系用纸巾。。但始终系食肆，系咪应该唔好在客面前做D咁嘅嘢呢，去厕所先处理会否好啲。。我们见佢咁，又未睇要咩，就话睇睇先。。隔了一阵，佢又企在你旁等你落order，之后我们话仲未得。。到我哋真系落order时，佢拉低口罩帮我们落order..😰落order时又心不在焉，明明我已经系话鲜牛通、炼奶厚多士，热柠水，打算叫下一个餐时，佢就话叫哂一个餐先再叫另一个餐啦，我充满问号，我唔系已经叫哂一个餐啦咩，其实系佢根本无听我落order，发紧梦🙄，仲要话我🙄口干问佢拎水，饮完一杯，叫佢俾多杯我哋，佢唔出声，望一望个杯，好似唔想俾多杯咁🙄 D餐都算快上，可能因为无咩人食，递食物时也态度一般，讲返食物，其实汤面啲𩠌也算多，味道也ok ，个厚多士也大块，即时整，都ok，可惜卫生同服务态度也不太好，不会再帮衬.