西貢海灣會燒烤大王

其实都系上网睇到个景几靓所以黎下，今日公众假期已经预咗人山人海，但系冇谂过多人到爆，如果唔系约哂朋友都唔系几想入去，门口买飞入场都唔平$298一位，每人几只纸杯纸碟你千祈唔好唔见左要再俾钱买过，唔好谂住$298有咩好野食都系牛扒猪扒鸡扒肠仔丸𠮶啲唔会有海鲜俾你食，海鲜会另外加钱仲要都唔平，千祈唔好加钱去到出边𠮶啲帐篷位，（帐篷位要加$100）因为𠮶度离你攞嘢食𠮶度仲远，攞野食𠮶度就系入场门口𠮶度，我之前去过咁多个烧烤场起码都比只胶碟你装嘢食，呢度都系比几只纸碟你出去自己装，出边多人到爆，嘢饮最差，罐装饮品支装饮品全部要俾钱买，就系入场买飞𠮶时俾你𠮶只胶杯去𠮶啲嘢饮机装汽水橙汁，𠮶只杯细到你行多几转都唔想行，佢攞嘢食个雪柜先搞笑，好似你出边食buffet笔雪糕𠮶啲雪柜，左边嘅人攞紧嘢食推左去右边右边𠮶啲人就唔会攞到，右边𠮶啲人攞嘢食左边𠮶啲就唔会攞到，个设计好似系唔想你哋咁多人攞嘢食咁，除咗个地点西贡好似好吸引，佢系我烧嘢食以来去过最差嘅一间，绝不会有下次，服务唔使讲除咗门口收费𠮶个有服务收你钱之外，入边完全冇人会招呼你，加炭都系自己加，$298一位完全唔值，好似比钱入场食乞儿饭咁。