貴族甜品 (元州街)

营业中

休息中

好少去长沙湾，search 下附近有咩甜品店，揾到呢间，见佢门口几靓，但一个人都冇，谂住可能中伏，不过谂下都可以试下，结果系嘥咗个quota😭入到去有一男店员系厨房，佢望一望我冇讲嘢，到我想落单，唯有大嗌”唔该”，等佢行出来。我叫嘅宇治金时沙冰，d红豆唔太甜，白玉都唔错，但抹茶雪糕，除颜色系似抹茶外，完全食唔出咩味，我只食出系甜味，好在佢唔系好甜，而沙冰呢，系冇乜味。食物质素影响食评分数高与低系好重要，但今次真系差嘅系服务，男店员系由头到尾，去到埋单，系一句嘢都无讲过，佢嘅表情一系好烦恼咁，一系无表情，令人感到我(客人)系不受欢迎，但当佢系厨房时，佢又会大声唱歌。